അദ്ദിക്ർ

നാലാം ഘട്ടമായ ഐഹികലോകത്ത് വെച്ച് അദ്ദിക്റിന്‍റെ 40 പേരുകളില്‍ ഒന്ന് പോലും ലോകരോട് പറയാത്ത ഊമകളായ കപടവിശ്വാസികളും കേള്‍വിയുണ്ടായിട്ടും അദ്ദിക്ര്‍ കേള്‍ക്കാന്‍ തയ്യാറാകാത്ത ബധിരരായ അനുയായികളും വിധിദിവസം അന്ധ രും ബധിരരും ഊമകളുമായിക്കൊണ്ട് മുഖങ്ങളില്‍ നരകക്കുണ്ഠത്തിലേക്ക് വലിച്ചിഴക്ക പ്പെടുമെന്ന് 17: 97-98; 25: 34 എന്നീ സൂക്തങ്ങളില്‍ മുന്നറിയിപ്പ് നല്‍കിയിട്ടുണ്ട്. സൂക്തത്തില്‍ 'അല്ലാഹു അവന്‍ ഉദ്ദേശിക്കുന്നവരെ വഴികേടിലാക്കുന്നു, അവന്‍ ഉദ്ദേശിക്കുന്നവരെ അവന്‍ നേരെചൊവ്വെയുള്ള മാര്‍ഗത്തിലേക്കുമാക്കുന്നു' എന്നാണ് പറഞ്ഞിട്ടുള്ളതെങ്കിലും വിശ്വാസിയാകാനുള്ള അല്ലാഹുവിന്‍റെ സമ്മതപത്രമായ അദ്ദിക്ര്‍ ഇന്ന് ഗ്രന്ഥമാ യി രൂപപ്പെട്ടിരിക്കെ നിഷ്പക്ഷവാനായ അല്ലാഹു ഒരാളെയും നരകത്തിലേക്കോ സ്വര്‍ഗത്തിലേക്കോ ആക്കുന്നില്ല. ആരാണോ അദ്ദിക്റിനെ മുറുകെപ്പിടിച്ചത്, അവന്‍ നാഥനെ മുറുകെപ്പിടിച്ച് നേരെച്ചൊവ്വെയുള്ള പാതയിലായിക്കഴിഞ്ഞു എന്നാണ് 2: 256; 3: 101; 4: 174-175; 5: 48 സൂക്തങ്ങളില്‍ പറഞ്ഞിട്ടുള്ളത്. അതുകൊണ്ട് 6: 104; 10: 108; 17: 15; 39: 41 സൂ ക്തങ്ങളില്‍ പറഞ്ഞ പ്രകാരം ആണായിരിക്കട്ടെ പെണ്ണായിരിക്കട്ടെ, ആരാണോ അദ്ദിക് റിനെ സത്യപ്പെടുത്തി ജീവിക്കുന്നത്, അവര്‍ സന്മാര്‍ഗത്തിലാകുന്നതും; ആരാണോ അതിനെത്തൊട്ട് അന്ധത കാണിക്കുന്നത്, അവര്‍ വഴികേടിലാകുന്നതുമാണ്. 2: 38-39; 7: 178 വിശദീകരണം നോക്കുക.